25.11.2024 | 21:30
Երևանում և 7 մարզում էլեկտրաէներգիայի անջատումներ կլինեն
Բաքուն նյարդային է արձագանքել Արցախի նախագահի՝ France 24-ին տված հարցազրույցին
Քաղաքականություն
08.12.2022 | 13:40
Պաշտոնական Բաքուն արձագանքել է Արցախի նախագահ Արայիկ Հարությունյանի՝ ֆրանսիական France24 հեռուստաալիքին տված հարցազրույցին։ Մասնավորապես, ադրբեջանական լրատվականների հաղորդմամբ, Ֆրանսիայում Ադրբեջանի նորանշանակ դեսպան Լեյլա Աբդուլլաևան թվիթերյան իր էջում բողոք է հայտնել այդ առնչությամբ։
«France 24-ի հեռարձակումը հարցազրույցի՝ «անօրինական և աշխարհի կողմից չճանաչված սուբյեկտի» ներկայացուցչի հետ խրախուսում է անջատողականության քարոզչությունը, ոտնձգություն է Ադրբեջանի ինքնիշխանության և տարածքային ամբողջականության նկատմամբ, վնասում է խաղաղության ջանքերին, սրում լարվածությունը»,- գրել է Աբդուլլաևան։
Հավելենք, որ աշխատանքային այցով Ֆրանսիայում գտնվող Արցախի նախագահ Արայիկ Հարությունյանը նախօրեին France 24-ին տված հարցազրույցում նշել է, որ ինքորոշման իրավունքն ու անկախությունը Արցախի ժողովրդի անվտանգության միակ երաշխիքն են։
Էմմա Չոբանյան
