07.06.2026 | 09:45
Գիշերը տեղամասային հանձնաժողովի քարտուղար և նախագահներ են ձերբակալվել. ԿԸՀ նախագահ․ ՏԵՍԱՆՅՈՒԹ
Պուտինը հայտարարել է, որ Ուկրաինայում «հատուկ ռազմական օպերացիան» երկար գործընթաց է
Քաղաքականություն
08.12.2022 | 14:58
Ռուսաստանի նախագահ Վլադիմիր Պուտինը հայտարարել է, որ, այսպես կոչված, «հատուկ ռազմական օպերացիան» Ուկրաինայում երկար գործընթաց է։ ՌԻԱ Նովոստիի փոխանցմամբ՝ այս մասին նա հայտարարել է Քաղաքացիական հասարակության և մարդու իրավունքների զարգացման խորհրդի նիստին։
Մարդու իրավունքների խորհրդի անդամ, Կազմակերպված հանցավորության և կոռուպցիայի դեմ պայքարի «Անտիմաֆիա» տարածաշրջանային հասարակական հիմնադրամի նախագահ Եվգենի Միսլովսկին, դիմելով Կրեմլի ղեկավարին, նշել է, որ «բոլոր մարդիկ սպասում են արդյունքների»։
«Երբ Դուք ասում էիք, որ բոլորն արդյունքների են սպասում, նկատի ունեիք հատուկ ռազմական օպերացիա՞ն»,- հարցրել է նախագահը։
Միսլովսկին պարզաբանել է, որ խոսքը ռազմական հանցագործությունների հետաքննության արդյունքների մասին է։
«Ինչ վերաբերում է հատուկ ռազմական օպերացիայի արդյունքների երկար գործընթացին, իհարկե, սա երկար գործընթաց է, բայց հետո Դուք նշեցիք, որ նոր տարածքներ են հայտնվել, ահա և նշանակալի արդյունք Ռուսաստանի համար։ Սա լուրջ հարց է։ Եվ, ինչ մեղքս թաքցնեմ, Ազովի ծովը դարձել է Ռուսաստանի Դաշնության ներքին ծովը, սա լուրջ բան է»,- ասել է Պուտինը։
Տաթև Ֆռանգյան
