14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կիևում էլեկտրաէներգիայի բացակայությունը կարող է հանգեցնել ապոկալիպսիսի. Կլիչկո
Քաղաքականություն
08.12.2022 | 12:34
Կիևի քաղաքապետ Վիտալի Կլիչկոն Reuters-ին տված հարցազրույցում զգուշացրել է, որ ձմռան ամիսներին Ուկրաինայի մայրաքաղաքը կարող է մնալ առանց էլեկտրականության, ջրի և ջերմության։
«Ապոկալիպսիս, ինչպես հոլիվուդյան ֆիլմերում, երբ ցածր ջերմաստիճանի պատճառով անհնար է տներում ապրել, դա կարող է տեղի ունենալ»,- ասել է նա։
Այժմ էլեկտրաէներգիայի պակասը համեմատաբար տանելի է, ուստի՝ Կիևից բնակիչներին տարհանելու կարիք դեռ չկա, ասել է Կլիչկոն։
Սակայն եթե էլեկտրաէներգիայի պակասը խորանա զրոյից ցածր ջերմաստիճանի պայմաններում, ապա իշխանությունները ստիպված կլինեն ջուրը դուրս մղել քաղաքի որոշ շրջանների ջեռուցման համակարգերից։ «Այս պահին մենք պատրաստել ենք մոտ 500 ինքնավար ջեռուցման կետ, սակայն 3 միլիոն բնակչություն ունեցող քաղաքի համար 500 կետը ոչինչ է»,- ասել է Կլիչկոն։ Նրա խոսքով, քաղաքը տաքացուցիչների ու մարտկոցների կարիք ունի։
«Մենք պատրաստ ենք տարբեր սցենարների։ Բայց ես խնդրում եմ Կիևի բնակիչներին նույնպես պատրաստվել տարբեր սցենարների, պատրաստ լինել։ Խնդրում եմ՝ պատրաստեք խմելու ջրի պաշար, տեխնիկական ջուր, տաք հագուստ, սնունդ, ամեն ինչի պետք է պատրաստ լինի։ Պետք է փաստաթղթերով ու տարրական իրերով պայուսակ պատրաստենք, ցանկալի է՝ փոքր, արտակարգ իրավիճակի դեպքում»,- ասել է Կլիչկոն։
