20.04.2026 | 21:09
Վենսը երեքշաբթի կմեկնի Վաշինգտոնից` Պակիստանում Իրանի հետ բանակցությունների մասնակցելու համար. CNN
Պետք է մշակույթ ձևավորենք, որ պաշտոնյաները շահերի բախման մասին ինքնակամ հայտարարեն. Լիլիթ Մինասյան․ ՏԵՍԱՆՅՈւԹ
Քաղաքականություն
07.12.2022 | 21:21
Ազգային ժողովն այսօր կողմ քվեարկեց և ընդունեց «Հանրային ծառայության մասին» օրենքում կատարված փոփոխությունները, որոնց ուժի մեջ մտնելուց հետո պաշտոնյաները 60 հազար դրամից թանկ նվերները կփոխանցեն պետությանը։
Պաշտոնյաները կարող են մինչև 40 հազար դրամ արժեցող նվեր ստանալ, սակայն դրանք պետք է հաշվառել։
Նշենք, որ նախագծի նախնական տարբերակում պաշտոնյաների հետ փոխկապակցված անձանց շրջանակն ավելի լայն էր, ինչը փոխվել է քվեարկությունից առաջ։ Պաշտոնյայի պապը, տատը, թոռը, մորաքույրը, հորաքույրը, հորեղբայրը, մորեղբայրը, քրոջ, եղբոր զավակները, պաշտոն զբաղեցնող անձի մորաքրոջ, հորաքրոջ, հորեղբոր, մորեղբոր զավակները, քրոջ, եղբոր, զավակի ամուսինները կարող են ստանալ նվերներ առանց գնային սահմանափակումների։
ՔՊ-ական պատգամավոր Լիլիթ Մինասյանը բացառում է կոռուպցիայի ռիսկը` նշելով, որ պաշտոն զբաղեցնող անձի հետ ազգակցական և ոչ ազգակցական սերտ անձնական հարաբերություններ ունեցող անձինք ևս համարվում են փոխկապակցված։
ՔՊ-ական պատգամավորն ասում է` այս օրենսդրական փոփոխությամբ կանխելու են նաև խնամի-ծանոթ-բարեկամների ճնշումները գործադիրում պաշտոն զբաղեցնողի վրա։ Օրինակ, կառավարության անդամը շահերի բախման հիմքով, եթե կաշկանդված է որևէ նախագծի կողմ կամ դեմ քվեարկել, քանի որ առնչվում է իր մերձավորի բիզնես գործունեությանը, ապա քվեարկության ժամանակ պետք է ինքնաբացարկ հայտարարի։
«Մենք պետք է այն մշակույթը ձևավորենք, որ պաշտոնյաները այնքան անաչառություն ունենան, որ շահերի բախման մասին ինքնակամ հայտարարեն, իսկ բացահայտման դեպքում նրանք պատասխանատվության կենթարկվեն»,-ասաց նա։
Մանրամասները՝ տեսանյութում։
