11.12.2024 | 14:52
Հարավային Կորեայի ՊՆ նախկին ղեկավարը փորձել է ինքնասպան լինել. նախագահի աշխատակազմում խուզարկություններ են
Առանց տնակային ավանի ապամոնտաժման, Գյումրին իրական զարգացում չի ունենալու․ Փաշինյան․ ՏԵՍԱՆՅՈւԹ
Հասարակություն
07.12.2022 | 18:39
«2018թ․ վարչապետի պաշտոնը ստանձնելով՝ ինձ համար սկզբունքային է եղել երկրաշարժից տուժած քաղաքացիների իրավունքների իրացման խնդիրը»,- ԱԺ-Կառավարություն հարցուպատասխանի ընթացքում այս մասին նշեց ՀՀ վարչապետ Նիկոլ Փաշինյանը։
«Դե յուրե այս պահին ՀՀ-ն 1988 թ․ երկրաշարժի հետևանքների վերացման առումով ոչ մի քաղաքացու առաջ չունի պարտավորություն․ սա կարևոր արձանագրում է,- նշեց վարչապետը։
Փաշինյանի դիտարկմամբ՝ տնակային ավանները Գյումրիի զարգացման ամենամեծ խոչընդոտն են: «Մեզ մոտ հարց առաջացավ՝ եթե պետությունը բոլոր քաղաքացիների նկատմամբ պարտավորությունը կատարել է, ինչո՞ւ են այնտեղ դեռ շարունակում գոյություն ունենալ տնակներ: Ես խնդիր դրեցի, որ մենք պետք է ազատվենք այդ տնակներից:
Բայց հընթացս ստացանք նամակներ, որ ժամանակին եղել է անարդարություն, և մեր նկատմամբ պետության պարտավորությունը չի կատարվել: Այս նամակներին արձագանքելով՝ տվեցի հանձնարարական՝ պարզել տնակներում բնակվող քաղաքացիների տնակներում գտնվելու հանգամանքները: Պարզվեց, որ, օրինակ՝ մարդիկ են ապրում տներում, ովքեր մոտակա գյուղում ունեն բնակարան: Կան տնակներ, որ ավերակ են․․․
Եթե պարզվի, որ պետությունն ունի պարտավորություն, պետությունն այդ պարտավորությունը կկատարի, բնակարան կտա, տնակը կապամոնտաժի: Եթե պարզվի, որ պետությունն ընդհանրապես ոչ մի պարտավորություն չունի, և մարդն այլ հանգամանքների բերումով է հայտնվել տնակում, դա ուրիշ մոտեցում է: Այստեղ պետք է իրավական ընթացակարգեր աշխատեն: Իմ դիրքորոշումն այն է, որ պետք է խիստ միջոցներ ձեռնարկել»,- նշեց Փաշինյանը:
Մանրամասները՝ տեսանյութում։
