18.05.2026 | 20:25
Աշխարհում մահապատիժների թիվը հասել է 1981թ. ի վեր ամենաբարձր մակարդակին. Իրանն առաջատարն է. Amnesty International
ԱԹՍ-ի հարվածի հետևանքով Կուրսկի օդանավակայանում բռնկված հրդեհը մարվել է ավելի քան մեկ օր
Քաղաքականություն
07.12.2022 | 20:59
Կուրսկի օդանավակայանի տարածքում անօդաչու թռչող սարքի հարձակման հետևանքով առաջացած հրդեհը չեզոքացվել է: Այս մասին հայտնել է շրջանի ղեկավար Ռոման Ստարովոյտը։ Հրդեհը մարվել է ավելի քան մեկ օր, գրում է BBC-ի ռուսական ծառայությունը։
«Հրդեհը բարդության 3-րդ կարգի է դասվել, մեկ օրից ավելի կրակի դեմ պայքարել է ավելի քան 200 մարդ, զոհեր և վիրավորներ չկան»,- ասել է նահանգապետը։
Երեքշաբթի՝ դեկտեմբերի 6-ին, ուժեղ հրդեհ էր բռնկվել Կուրսկի օդանավակայանի մոտ գտնվող նավթի պահեստում։ Շրջանի իշխանությունները խոսել են Ուկրաինայի Զինված ուժերի կողմից անօդաչու թռչող սարքի կիրառմամբ հարձակման մասին։ Կիևը պաշտոնապես չի հաստատել Ուկրաինայի կապը ռազմական օդանավակայանների վրա հարձակմանը։
Հիշեցնենք, որ Ստարովոյտի խոսքով՝ Կուրսկի օդանավակայանի տարածքում անօդաչու թռչող սարքի հարձակման հետևանքով հրդեհ է բռնկվել նավթի պահեստավորման բաքում, տուժածներ չկան։
Տաթև Ֆռանգյան
