09.10.2026 | 13:17
Գագիկ Ծառուկյանի և Սեդրակ Առուստամյանի գործով նիստ է նշանակվել
ՌԴ-ն պատրաստ է աջակցել Փաշինյան-Ալիև հանդիպման անցկացմանը․ Պեսկով
Քաղաքականություն
07.12.2022 | 16:03
ՌԴ նախագահի մամուլի քարտուղար Դմիտրի Պեսկովը հայտարարել է, որ ռուսական կողմը պատրաստ կլինի ցուցաբերել անհրաժեշտ աջակցություն՝ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի միջև իր տարածքում հանդիպում անցկացնելու համար։ Այս մասին նա հայտարարել է լրագրողների հետ ճեպազրույցի ժամանակ, գրում է Գազետան։
«Ռուսաստանը, անշուշտ, պատրաստ կլինի տրամադրել անհրաժեշտ օգնությունը՝ իր տարածքում նման հանդիպում անցկացնելու համար»,- ասել է Կրեմլի խոսնակը։
Նա հավելել է, որ եթե այս հանդիպման վերաբերյալ որևէ ըմբռնում լինի, ապա այդ մասին կհաղորդվի։
Նախօրեին Հայաստանի խորհրդարանի արտաքին հարաբերությունների մշտական հանձնաժողովի ղեկավար Էդուարդ Աղաջանյանը հայտարարել էր, որ Բաքվից խաղաղության համաձայնագրի նախագծի վերաբերյալ առաջարկներ են ստացվել։ Նա հավելել էր, որ Ալիևի և Փաշինյանի հանդիպումը, հավանաբար, տեղի կունենա մինչև տարեվերջ։
Ավելի վաղ Ադրբեջանի ԱԳՆ-ն ևս հայտնել էր, որ Հայաստանի հետ խաղաղության պայմանագրի շուրջ բանակցությունները կարող են տեղի ունենալ մինչև տարեվերջ։
Տաթև Ֆռանգյան
