30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Լսողության խնդիր ունեցողների 18,8 %-ը խոսելու լուրջ դժվարություններ ունի․ հետազոտություն․ ՏԵՍԱՆՅՈՒԹ
07.12.2022 | 15:36
Ընթանում է «Լռության մեջ ապրողների խնդիրներն ու կարիքները» թեմայով ասուլիսը։
Լսողության խնդիրներ ունեցող անձանց խնդիրների վերհանում և կարիքների գնահատում սոցհարցումների ու հետազոտության մասնագետ Արևիկ Համբարձումյանը տեղեկացրեց, որ հետազոտությունն իրականացվել է ՝ «Բաց հասարակության հիմնադրամներ-Հայաստան»-ի աջակցությամբ և Աշխատանքի և սոցիալական հարցերի նախարարության հետ համագործակցությամբ։
Արևիկ Համբարձումյանի խոսքով՝ առաջին անգամ է իրականացվել քանակական հետազոտություն և լսողության խնդիրներ ունեցող անձանց խնդիրների ու կարիքների գնահատում։
«2021թ․ տվյալներով՝ Հայաստանում կա լսողության խնդիրներ ունեցող 3021 անձ։
Լսողության խնդիր ունեցողների 40 տոկոսը ամուսնացած չէ և զուգընկեր չունի, 48 տոկոսն ամուսնացած է և երեխաներ ունի, նրանցից 40 տոկոսը ամուսնացած է լսողության խնդիր ունեցողի հետ։
Լսողության խնդիր ունեցողների 34 տոկոսը խոսելու կարողություն ունի, 16 տոկոսի մոտ խոսելու ունակությունը բացակայում է, 18,8 տոկոսը խոսելու լուրջ դժվարություններ ունի»,- ասուլիսի ընթացքում ներկայացնելով հետազոտության արդյունքները՝ ընդգծեց Համբարձումյանը։
Մանրամասները՝ տեսանյութում։
