09.10.2026 | 13:56
ԱԱԾ-ն հերքում է ադրբեջանցիների ներթափանցումը Սյունիք
Արցախում ավարտվել են ռուս խաղաղապահների և ադրբեջանցի «էկոլոգների» բանակցությունները
Քաղաքականություն
07.12.2022 | 15:49
Արցախի Իվանյան համայնքում, որտեղ գտնվում է ռուս խաղաղապահների հրամանատարությունը, ավարտվել են ռուսական կողմի և ադրբեջանցի «էկոլոգների» բանակցությունները հանքավայրերի շահագործման վերաբերյալ, գրում են ադրբեջանական լրատվամիջոցները։
Նշենք, որ ադրբեջանական խումբը կազմված է Էկոլոգիայի և բնական պաշարների նախարարության, Էկոնոմիկայի նախարարության գույքի հարցերով պետական ծառայության և «ԱզերԳոլդ» ՓԲԸ աշխատակիցներից։ Բանակցություններից հետո ադրբեջանական խումբը վերադարձել է օկուպացված Շուշի։
Ադրբեջանական կողմը հաղորդում է, որ Ադրբեջանի առաջարկներն ընդունվել են խաղաղապահների կողմից, մոնիթորինգի անցկացումը համաձայնեցվել է։ Հիմա, իբր, նախատեսվում է լրացուցիչ բանակցություններ վարել այդ ուղղությամբ և առաջիկայում սկսել մոնիթորինգը։
Ի՞նչ իրավասությամբ են ռուս խաղաղապահներն Արցախի տնտեսությանն ու հանքարդյունաբերությանը վերաբերող հարցեր քննարկում ադրբեջանական կողմի հետ՝ պարզ չէ։ Տեղեկություններ չկան նաև հանդիպմանը Արցախի իշխանությունների որևէ ներկայացուցչի մասնակցության վերաբերյալ։
Հիշեցնենք, որ դեկտեմբերի 3-ին Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ, իբր, բնապահպանական պատճառաբանությամբ փակել էին Ստեփանակերտ-Գորիս մայրուղին։ Նրանց հետ էին նաև Ադրբեջանի պետական ու քարոզչական լրատվամիջոցների ներկայացուցիչները։ Մայրուղին մի քանի ժամ փակ մնալուց հետո բանակցությունների արդյունքում բացվել էր։
Էմմա Չոբանյան
