18.12.2025 | 14:12
Կճոյանը կդառնա՞ կաթողիկոսական տեղապահ․ Փաշինյանի արձագանքը․ ՏԵՍԱՆՅՈՒԹ
Չինաստանը մեղմում է կորոնավիրուսի դեմ սահմանափակումները
Քաղաքականություն
07.12.2022 | 15:20
Շուրջ երեք տարի է՝ Չինաստանը տեղային խիստ սահմանափակումներ է սահմանել՝ երկրում COVID-19-ի մակարդակը ծայրահեղ ցածր պահելու համար։ Այնուամենայնիվ, վերջին մի քանի շաբաթների ընթացքում բազմաթիվ քաղաքներում բողոքի ցույցերից հետո այս քաղաքականությունը, կարծես, փոխվում է:
Չինաստանի իշխանությունները թուլացրել են կորոնավիրուսի տարածումը վերահսկելու համար ներդրված սահմանափակող միջոցառումները։ Euronews-ի հաղորդմամբ՝ այս մասին ասվում է Չինաստանի Ժողովրդական Հանրապետության հիգիենայի և առողջապահության պետական կոմիտեի հրապարակած COVID-19-ի դեմ պայքարի միջոցառումների օպտիմալացման մասին փաստաթղթում։
Բարձր ռիսկային գոտիների ժամանակավոր շրջափակումը չեղարկվել է, մարդկանց տեղաշարժը չի սահմանափակվի: Վարակվածները կարող են մնալ տանը՝ կարանտինում, իսկ նախկինում տարածված PCR թեստավորման ծավալը կնվազի։
Նոյեմբերի սկզբին Չինաստանում գրանցվել է կորոնավիրուսով վարակման դեպքերի աճ, որոնց ճնշող մեծամասնությունը եղել են վիրուսի ասիմպտոմ կրողներ։ Այն բանից հետո, երբ կառավարությունը խստացրեց սահմանափակող միջոցները, Չինաստանի մի քանի քաղաքներում զանգվածային բողոքի ցույցեր սկսվեցին։
Տաթև Ֆռանգյան
