07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
Մեր պարտքը բարձր միջակայքում է. երբ իջնի, ավելի ճկուն քաղաքականություն կվարենք․ Խաչատրյան․ ՏԵՍԱՆՅՈՒԹ
Տնտեսություն
07.12.2022 | 13:18
2023 թվականին պետբյուջեի դեֆիցիտը լինելու է 289 մլրդ դրամ չափով։ Այս մասին ԱԺ-ում 2023 թվականի պետբյուջեի նախագծի քննարկման ժամանակ նշեց ՀՀ ֆինանսների նախարար Տիգրան Խաչատրյանը։
«273 միլիարդ դրամ մենք վճարելու ենք պետական պարտքի տոկոսների համար, տարվա ընթացքում ստանալու ենք ավելի շատ փոխառություններ և վարկեր կամ տեղաբաշխելու ենք ավելի մեծ արժեքով գանձապետական պարտատոմսեր, ընդհանուր առմամբ՝ 289 միլիարդ դրամի չափով»,- նշեց Խաչատրյանը։
Ինչ վերաբերում է պարտքի նոր չափին, նախարարը նշեց, որ ընդհանուր պարտքի կազմում արտաքին պարտքի կշիռը 2023-ի ընթացքում կնվազի, նախատեսվում է, որ տարեվերջին Կառավարության՝ դրամային արտահայտությամբ պարտքը 50 տոկոսից բարձր չի լինի։
«Դա երեք տարվա կտրվածքով շատ էական ձեռքբերում է, որովհետև 2020 թ․ արդյունքներով մենք ունեցել ենք 63, 5 տոկոս։ Դա կառավարությանը թույլ է տալիս ներգրավել լրացուցիչ միջոցներ և ավելի ճկուն որոշել, թե ներգավվող միջոցներն ինչ եղանակով օգտագործվեն։
Պարտքը ազդում է նաև մեր ֆիսկալ կանոնների վրա։ Ես երբ որ խոսում եմ ընթացիկ ծախսերի սահմանափակումներից,, հղում եմ կատարում այն պատճառին, որ մեր պարտքը շարունակում է մնալ բարձր միջակայքում, երբ որ այն իջնի, մենք ավելի ճկուն ծախսային քաղաքականություն կարող ենք վարել»։
Մանրամասները՝ տեսանյութում։
