30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Չինաստանը կոչ է արել մեծացնել Ուկրաինային տրվող մարդասիրական օգնությունը
Քաղաքականություն
06.12.2022 | 22:23
Չինաստանը միջազգային հանրությանն ու մարդասիրական կազմակերպություններին կոչ է արել մեծացնել Ուկրաինային տրվող օգնությունը ձմռան սկսվելու պայմաններում։ Այս մասին ՄԱԿ-ի Անվտանգության խորհրդի նիստում հայտարարել է կազմակերպությունում Չինաստանի մշտական ներկայացուցչի տեղակալ Գեն Շուանգը, գրում է ՏԱՍՍ-ը։
«Անհրաժեշտ է ավելացնել մարդասիրական օգնությունը: Ուկրաինայի ժողովուրդը կանգնած է կրկնակի խնդրի առջև՝ պատերազմ և ձմեռ: Սա էլեկտրաէներգիայի, ջեռուցման, այլ մատակարարումների պակաս է, մարդասիրական կարիքների կտրուկ աճ: Միջազգային հանրությունը և մարդասիրական կազմակերպությունները պետք է օգնեն. Ուկրաինան վերականգնում է ավերված ենթակառուցվածքը՝ ապահովելով ձմռան համար անհրաժեշտ ամեն ինչ, սարքավորումներ և ջեռուցում, ինչպես նաև՝ հոգալով խոցելի խմբերի կենսական կարիքները, ինչպիսիք են փախստականները և ներքին տեղահանվածները»,- ասել է նա։
Դիվանագետը նշել է, որ այս պայմաններում երեխաներն ամենախոցելին են:
«Չինաստանը կոչ է անում առավելագույն ուշադրություն դարձնել հումանիտար իրավիճակներում հայտնված երեխաների կարիքներին»,- հավելել է Գենգ Շուանգը:
