30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ֆրանսիայում եռակի համաճարակ է․ բնակիչները հրաժարվում են դիմակ կրել
Քաղաքականություն
06.12.2022 | 19:56
Հասարակական տրանսպորտում ֆրանսիացիները հրաժարվում են դիմակ կրել՝ չնայած կառավարության համառ հորդորներին, գրում է Euronews-ը։
Իշխանությունները հորդորում են բնակչությանը եռակի համաճարակի ֆոնին և Սուրբ Ծննդյան տոների նախօրեին վերադառնալ մոռացված պաշտպանական միջոցառումների կարգին։ Հակառակ դեպքում Ֆրանսիայի Առողջապահության նախարարությունը սպառնում է պարտադիր դարձնել սահմանափակող միջոցների պահպանումը։
«Սոցիալական հեռավորությունը, պատվաստումն անհատական պաշտպանություն է առավել ռիսկային հիվանդների համար, ինչպիսիք են նրանք, ում ես հանդիպեցի այսօր այստեղ՝ Ֆոշ հիվանդանոցում: Դա նաև հավաքական պատասխանատվություն է։ Մեր առողջապահական համակարգը մեծ ճնշման տակ է՝ լինի դա քաղաքային բժշկության մեջ, թե հիվանդանոցներում: Ներկա լարված իրավիճակում բրոնխիոտի, գրիպի և կորոնավիրուսի այս եռակի համաճարակը վտանգի տակ է դնում համակարգը, և եթե այն այլևս չկարողանա դիմակայել, ապա բոլոր հիվանդները կհայտնվեն ծանր վիճակում»,- հայտարարել է Ֆրանսիայի առողջապահության նախարար Ֆրանսուա Բրոն։
Ֆրանսիան ներկայում բախվել է գրիպի, COVID-19-ի և բրոնխիտի մեծ թվով դեպքերի հետ, հատկապես երեխաների մոտ՝ պատվաստումների մակարդակի նվազման պայմաններում, ինչը մեծ ճնշում է Ֆրանսիայի առողջապահական համակարգի վրա:
Տաթև Ֆռանգյան
