25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Ում և ինչ աջակցություն կտրամադրվի 2023-ից․ մանրամասներ աղետի գոտու բնակարանային ծրագրերից․ ՏԵՍԱՆՅՈՒԹ
Հասարակություն
06.12.2022 | 11:55
Աղետի գոտում բնակարանային խնդրի լուծման պետական ծրագրերի շրջանակում շահառու էին ճանաչվել 5 419 ընտանիքներ Լոռու, Շիրակի և Արագածոտնի մարզերում, և 5 391 ընտանիքների բնակարանային խնդիրն արդեն լուծվել է նախորդ տարիներին հատկացված 70 մլրդ դրամի շրջանակում։ Այս մասին այսօր «Դեկտեմբերի 7-ին ընդառաջ. աղետի գոտու բնակարանային ծրագրի ամփոփում, տնակային շինությունների խնդրի լուծման մեկնարկ» թեմայով հրավիրված ասուլիսում նշեց Հայաստանի քաղաքաշինության կոմիտեի Բնակֆոնդի և կոմունալ ենթակառուցվածքների վարչության պետ Տանյա Արզումանյանը։
Բնակֆոնդի և կոմունալ ենթակառուցվածքների վարչության պետի խոսքով՝ չլուծված են մնում Շիրակի մարզի Ջրաձոր համայնքի 28 ընտանիքների բնակարանային խնդիրները։
Արզումանյանի հավաստմամբ՝ այս խնդիրը, կլուծվի կառավարության օգնության մեկ այլ ծրագրի շրջանակում, որը վերաբերելու է Ջրաձոր համայնքից Կապսի ջրամբարի կառուցման պատճառով տեղափոխված ընտանիքներին։
«Այսպիսով, ծրագիրը կավարտվի։ Կառավարության 2021թ. որոշմամբ, այդ գոտու բնակիչներին բնակարանով ապահովելու համար, որոնք ներառված են պետական աջակցության ծրագրում, հատկացվել է 3 մլրդ դրամ, որը տրամադրվում է որպես շինարարության դրամաշնորհ կամ բնակարան գնելու հավաստագիր»,- նշեց Արզումանյանը։
Մանրամասները՝ տեսանյութում։
