30.10.2026 | 11:18
Հարկադիրի Շիրակի բաժնի պետը կալանավորվել է
Կանանց դերի մեծացման և բռնության դեմ պայքարի հարցերում Հայաստանի առաջ մարտահրավերներ կան ծառացած
Հասարակություն
05.12.2022 | 14:50
Կանանց դերի մեծացման և բռնության դեմ պայքարի հարցերում Հայաստանի առաջ մարտահրավերներ կան ծառացած։ Այս նուրբ հարցերը դիտարկելու և Միացյալ Նահանգների կողմից կիրառվող մոտեցումներին ծանոթանալու նպատակով այս տարի ավելի վաղ Արիզոնա նահանգի Ֆենիքս քաղաք ուղևորվեցին ընտանեկան և սեռական բռնության դեմ պայքարի հարցերով զբաղվող պետական, իրավապահ կառույցների և քաղաքացիական հասարակության ներկայացուցիչներ. տեղեկացնում են ՀՀ-ում ԱՄՆ դեսպանությունից։
«Open World փոխանակման ծրագրի միջոցով, որը կազմակերպվում և ֆինանսավորվում է ԱՄՆ կոնգրեսի գրադարանի կողմից, հայաստանյան պատվիրակությունն առիթ ունեցավ հանդիպել փաստաբանների, դատավորների, լրագրողների, քաղաքացիական հասարակության ներկայացուցիչների, ինչպես նաև Փերըդայզ Վելիի քոլեջի ու Արիզոնայի պետական համալսարանի ուսանողների ու դասախոսական կազմի ներկայացուցիչների հետ՝ դիտարկելու ընտանեկան ու սեռական բռնության հետ կապված ողջ շղթան՝ սկսած հաղորդում ներկայացնելուց ու արձագանքից մինչև վերականգնողական ու կանխարգելիչ աշխատանքներ»,- ասված է հաղորդագրությունում։
