09.10.2026 | 11:53
Հայ ծանրորդների մրցելույթների ժամանակացույցը երիտասարդական ու Մ-23 ԵԱ-ում
ՌԴ-ն շահագրգռված է Հայաստանի և Ադրբեջանի միջև խաղաղության պայմանագրի կնքմամբ․ Լավրովը՝ Բայրամովին
Քաղաքականություն
05.12.2022 | 15:31
ՌԴ ԱԳ նախարար Սերգեյ Լավրովն այսօր Մոսկվայում Ադրբեջանի ԱԳ նախարարի հետ հանդիպմանը հայտարարել է, որ Ռուսաստանը շահագրգռված է Երևանի և Բաքվի միջև խաղաղության պայմանագրի կնքմամբ, գրում է News.ru-ն։
Մասնավորապես, Լավրովը նշել է, որ քննարկման կարևոր թեմաներից է Հայաստանի, ՌԴ-ի և Ադրբեջանի ղեկավարների եռակողմ հայտարարությունների կատարման ընթացքը։
«Մենք շահագրգռված ենք, որ ամեն կերպ նպաստենք տրանսպորտային կապերի ապաշրջափակմանը, սահմանների դելիմիտացիային և խաղաղության պայմանագրի ստորագրմանը, ընդհանուր առմամբ, վստահության միջոցների ամրապնդմանը, այդ թվում՝ հանրային կառույցների շփումների զարգացման միջոցով»,- ասել է Լավրովը։
Նախարարները նախ հանդիպել են և կարճ բանակցություններ անցկացրել առանձին, ապա քննարկումները շարունակել են ընդլայնված կազմով։
Սպասվում է, որ հանդիպման արդյունքներով ստորագրվելու է Ադրբեջանի և Ռուսաստանի միջև 2023-2024 թվականների միջգերատեսչական խորհրդակցությունների պլանը։
Էմմա Չոբանյան
