15.01.2025 | 14:25
ԵՄ-ին անդամակցության քննարկումների ֆոնին 2024թ․ ռուսական բիզնեսը սկսել է կրճատել ՀՀ-ի հետ համագործակցությունը․ Օվերչուկ
Նավթից և գազից եկամուտների մուտքը ՌԴ բյուջե սպասվածից քիչ է եղել
Քաղաքականություն
05.12.2022 | 20:51
ՌԴ-ում նավթից և գազից փաստացի ստացված եկամուտների ընդհանուր շեղումն ակնկալվող ամսական ծավալից և բազային ամսական ծավալի գնահատականից 2022 թվականի նոյեմբերի վերջին կազմել է մինուս 90,2 միլիարդ ռուբլի, գրում է EADaily-ն:
Ռուսաստանի Դաշնության Ֆինանսների նախարարության տվյալներով՝ դաշնային բյուջեի նավթի և գազի լրացուցիչ եկամուտների ակնկալվող ծավալը, որը կապված է նավթի փաստացի գնի բազային մակարդակի գերազանցման հետ, դեկտեմբերին կանխատեսվում է 176,1 միլիարդ ռուբլու չափով: Այսպիսով, հաշվի առնելով նոյեմբերի շեղումը, նավթի և գազի լրացուցիչ եկամուտների համար միջոցների ընդհանուր ծավալը գնահատվում է 85,9 միլիարդ ռուբլի։
Գործակալությունը պարզաբանում է, որ 2022 թվականի համար բյուջետային կանոնների որոշ դրույթների կասեցման պատճառով՝ կապված դաշնային բյուջեի նավթի և գազի լրացուցիչ եկամուտների օգտագործման հետ, այդ միջոցների հաշվին արտարժույթի և ոսկու գնում չի իրականացվի։
Տաթև Ֆռանգյան
