07.12.2025 | 13:46
Եկել է ժամանակը Մայր Աթոռում անցկացնել պատարագը․ Ալեն Սիմոնյան․ ՏԵՍԱՆՅՈւԹ
ՀՀ-ն Բաքվին զինվորների ոսկրեր, քարտեզներ է տվել․ մանրամասներ՝ ԼՂ-ում տեղի ունեցած միջադեպից․ Լուրեր
Քաղաքականություն
05.12.2022 | 13:44
- ԱԱԾ-ից այսօր տեղեկացրել են, որ դեկտեմբերի 1-ին հայկական կողմը ադրբեջանական կողմին է փոխանցել ենթադրաբար Ղարաբաղյան առաջին պատերազմի 10 զոհերի ոսկրեր և 2 քարտեզ, որտեղ նշված են 4 դիակների գտնվելու հնարավոր վայրեր։ Այդպիսով, 2020 թ-ի նոյեմբերի 9-ից մինչև այսօր հայկական կողմը ադրբեջանական կողմին է հանձնել Ղարաբաղյան առաջին պատերազմի 140 զոհերի ոսկրեր և 5 քարտեզներ։
- Երեկ ադրբեջանցիների հրահրմամբ միջադեպ է տեղի ունեցել Արցախի Մարտակերտի շրջանի Գետավան գյուղում։ Ռուս խաղաղապահների ուղեկցությամբ Մարտակերտով Քարվաճառ գնացող ադրբեջանցիների շարասյունը կանգնել է Գետավան գյուղում, ադրբեջանցիների մի մասը իջել են մեքենաներից ու սանձարձակ վարք են դրսևորել տեղում գտնվող հայ երիտասադրների նկատմամբ։ Միջադեպի մասնակիցները ստացել են թեթև մարմնական վնասվածքներ։ Վնասվել է նաև ադրբեջանական մարդատար ավտոմեքենան։ Միջադեպի մասինն տեղեկացվել է ռուս խաղաղապահների ղեկավարությունը։
- Բժշկական համալսարանի ռեկտոր Արմեն Մուրադյանը տեղեկացրել է, որ հանրապետությունում սուր շնչառական հիվանդությունների թիվն աճել է։ հիվանդացությունն ամենաշատն արձանագրվել է 0-14 տարեկան երեխաների շրջանում: Ըստ նույն աղբյուրի՝ շտապօգնության կանչերի 9.7%-ը կազմում են սուր շնչառական վարակով հիվանդները, որոնք հիմնականում 0-18 տարեկան երեխաներ են:
Այս ժամի լուրերը՝ տեսանյութում։
