16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ինդոնեզիայում Սեմերու հրաբուխն է ժայթքել․ մոտակա գյուղերի բնակիչները տարհանվել են
Քաղաքականություն
04.12.2022 | 12:30
Այսօր՝ վաղ առավոտյան, Ինդոնեզիայի Ճավա կղզում ժայթքել է Սեմերու հրաբուխը։
«Ինդոնեզական Սեմերու հրաբուխը Ճավա կղզում սկսել է ժայթքել կիրակի վաղ առավոտյան՝ օդ ուղարկելով 1,5 կմ բարձրությամբ մոխրի սյուն», հաղորդում է Reuters-ը՝ վկայակոչելով Ազգային աղետների կառավարման մարմնին (BNPB):
Վարչությունը տեղացիներին կոչ է արել ժայթքման կենտրոնից 5 կմ շառավղով ոչ մի գործունեություն չվարել, ինչպես նաև գետերին 500 մետրից ավելի մոտ չմոտենալ լավայի հնարավոր հոսքերի պատճառով:
Ինդոնեզիայում Սեմերու հրաբխի ժայթքման պատճառով մոտակա գյուղերի բնակիչները տարհանվել են։ Սեյսմոլոգները նշում են, որ իրավիճակը կարող է վատթարանալ։
Սեմերուի նախորդ խոշոր ժայթքումը տեղի է ունեցել ուղիղ մեկ տարի առաջ՝ դեկտեմբերի 4-ին, երբ զոհվել է ավելի քան 50 մարդ։
