14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Մենք հնարավոր ամեն բան անելու ենք իրավիճակը շտկելու համար․ Երևանի քաղաքապետը՝ լուսավորության հարցում իրենց բացթողումների մասին
Հասարակություն
04.12.2022 | 11:32
«Քաղաքի նախատոնական զարդարանքի հետ կապված հանրային քննարկումներն այս տարի, իհարկե, սովորականից քանի անգամ շատ էին՝ պայմանավորված լուսավորության աշխատանքների հարցում մեր կողմից թույլ տրված բացթողումներով»,- գրել է Երևանի քաղաքապետ Հրաչյա Սարգսյանը՝ նշելով, որ հնարավոր ամեն բան անելու են իրավիճակը շտկելու համար։
«Բայց մեր երկիրն այս տարի պատիվ ունի ընդունել Մանկական եվրատեսիլ միջազգային մրցույթի պատվիրակություններին, իսկ սա եզակի հնարավորութուն է լավագույնս հյուրընկալել նրանց և բոլոր կողմերից ցույց տալ մայրաքաղաք Երևանը և երևանցուն։
Ավելի քան վստահ եմ, որ քննարկումները ոչ պակաս էին լինելու նաև զարդարանքի իսպառ բացակայության դեպքում. հումորներն ու քննադատություններն այդ պարագայում, սակայն, կհնչեին ոչ կոմպետենտության և միջազգային հանրությանը մեր երկիրը ոչ պատշաճ ներկայացնելու ուղղությամբ»,- գրել է քաղաքապետը։
Factor.am-ն ավելի վաղ անդրադարձել էր Երևանի ամանորյա լուսավորության անցկացման համար Հանրապետության հրապարակի հուշարձան-շենքերի վրա հազարավոր անցքեր բացելու խնդրին, նաև՝ մեկ անձից գնման ընթացակարգով աշխատանքների կազմակերպան խնդրահարույց լինելուն։
