27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Պարզ չէ՝ ի՞նչ հիմքով Սասուն Խաչատրյանն ընտրվեց Հակակոռուպցիոն կոմիտեի ղեկավար. փորձագետ. ՏԵՍԱՆՅՈՒԹ
Հասարակություն
02.12.2022 | 17:07
Ընթանում է «Իրավունքների պաշտպանություն առանց սահմանների» հասարակական կազմակերպության նախաձեռնած «Հակակոռուպցիոն ինստիտուտների ստեղծումը. մշտադիտարկման արդյունքները և խնդիրները» թեմայով հանրային քննարկումը:
Քննարկման ընթացքում ներկայացվեցին կազմակերպության կողմից իրականացված հակակոռուպցիոն մարմինների՝ Հակակոռուպցիոն բոլոր ատյանի դատարանների դատավորների և Հակակոռուպցիոն կոմիտեի ստեղծման և ինքնավար պաշտոն զբաղեցնող անձանց ընտրությունների մշտադիտարկման արդյունքները։
Փորձագետ Անահիտ Մկրտչյանը ոլորտի խնդիրների շուրջ հրավիրված հանրային քննարկման մասնակիցների ուշադրությունը հրավիրեց այն հանգամանքին, որ 2019-2022 թվականների ռազմավարական ծրագրում որևէ կետ չի եղել Հատուկ քննչական ծառայության լուծարման մասին, այդ մասին հանրային քննարկում չի անցկացվել, անգամ չի խոսվել նախագծի առաջին քննարկման ժամանակ, այնինչ երկրորդ քննարկումից ընդամենը հինգ օր առաջ՝ պատկերը փոխվել է։
«Երկրորդ ընթերցման ժամանակ արդարադատության նախարարը նշեց, որ Հատուկ քննչական ծառայության հետ քննարկումերի արդյունքում որոշվել է այն լուծարել և համապատասխան հաստիքները փոխանցել Հակակոռուպցիոն կոմիտե»,- նշեց փորձագետը։
«Իրավունքների պաշտպանություն առանց սահմանների» ՀԿ կողմից մշտադիտարկում է եղել նաև Հակակոռուպցիոն կոմիտեի նախագահի ընտրության ժամանակ։
Մկրտչյանի դիտարկմամբ՝ երեք թեկնածուներն էլ հավաքել էին բավարար ձայներ, սակայն Կառավարությունը, առանց որևէ հիմնավորման, ընտրել է ՀՔԾ նախկին պետ Սասուն Խաչատրյանին։
Մանրամասները՝ տեսանյութում։
