09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Մարտական գործողությունների վերսկսման հավանականությունը կտրուկ աճել է․ Տիգրան Աբրահամյան․ ՏԵՍԱՆՅՈՒԹ
Քաղաքականություն
02.12.2022 | 15:09
«Ադրբեջանը վերջին մեկ ամսվա ընթացքում բավականին ակտիվ տեղեկատվական, քարոզչական, դիվանագիտական և ռազմական նախապատրաստություն է իրականացնում, որը շատ նման է մարտական գործողությունների վերսկսման»,- այս մասին ընդդիմադիր ուժերի հրավիրած ԱԺ արտահերթ նիստում նշեց «Պատիվ ունեմ» խմբակցության քարտուղար Տիգրան Աբրահամյանը։
«Ադրբեջանը վերջին մեկ ամսում թիրախավորում է ինչպես ՀՀ և Արցախի առաջնագծում տեղակայված մարտական դիրքերը, ռազմական օբեյկտները, այլև քաղաքացիական ենթակոռւցվածքները և խաղաղ բնակչությանը։ Ակնհայտորեն ռազմական գործողությունների վերսկսման հավանականությունը կտրուկ աճել է»,-ընդգծեց Աբրահամյանը։
Աբրահամյանը հիշեցրեց, որ 44-օրյա պատերազմից հետո Ադրբեջանը Հայաստանի և Արցախի նկատմամբ արդեն իսկ 5 ագրեսիա է իրականացրել։
Ընդդիմադիր պատգամավորը հույս հայտնեց, որ իրավիճակի լրջությունը հասկանում են նաև իշխող խմբակցության պատգամավորները, որոնք, ըստ խատգամավորի, ունեն բոլոր հնարավորությունները լրացուցիչ ճշտումներ անելու՝ իրավիճակն ու հնարավոր զարգացումներն ավելի լավ պատկերացնելու համար։
Մանրամասները՝ տեսանյութում։
