16.12.2025 | 18:14
Էրդողանն ակնարկել է տարեսկզբին ՀՀ սահմանը բացելու մասին // Սևակի արձանը կհեռացնեն․ ԼՈՒՐԵՐ
Առաջարկում եք Հայաստանը գրավ դնել․ չենք եկել ընդհանուր հայտարարի․ Մարիա Կարապետյանը՝ ընդդիմությանը․ ՏԵՍԱՆՅՈՒԹ
Քաղաքականություն
02.12.2022 | 14:43
Շարունակվում է Ազգային ժողովի արտահերթ նիստը, որը հրավիրվել է Ադրբեջանի խորհրդարանի՝ 2022 թվականի նոյեմբերի 8-ի հայտարարության կապակցությամբ։ «Հայաստան» խմբակցությունն առաջարկում է համարժեք պատասխան տալ Ադրբեջանին՝ ընդունելով Ազգային ժողովի համատեղ հայտարարություն։
«Չենք եկել ընդհանուր հայտարարի․ մեր մոտեցումների տարբերությունները մի քանի հարցի շուրջ են»,- այս մասին նշեց «Քաղաքացիական պայմանագիր» խմբակցության պատգամավոր Մարիա Կարապետյանը։
Ընդդիմությունը կողմնակից է Ադրբեջանին պատասխանել նույնքան և ավելի սրությամբ և Հայաստանի ձևակերպումները դարձնել նույնքան արմատական, որքան Ադրբեջանի ձևակերպումներն են: Սրա հիմնավորումն այն է, որ Ադրբեջանը կառուցողական չէ, ինչը ճշմարիտ է, պատերազմ է վարում ՀՀ-ի և ԼՂ-ի դեմ, ինչը ճշմարիտ է, հույս չկա լուծման, և, ընդհակառակը, կոշտ խոսքը կարող է զսպել ագրեսորին:
Մեր փորձառությունը ցույց է տալիս, որ նման մոտեցումը որքան էլ հաճելի է ինքնազգացողության համար, այնուամենայնիվ, վատ դիվանագիտություն է, ավելին, դա հենց այն է, ինչ ուզում է Ադրբեջանը:
Ադրբեջանը մեզ ուզում է ներքաշել տարածքային վեճի մեջ: Հայաստանի և Ադրբեջանի ասածներն Ադրբեջանը ցանկանում է միջազգային հանրության ականջի համար դարձնել հայելանման մեղադրանքների և պահանջների աղմուկ և անլուծելի մի թնջուկ, օգտագործել այդ համատեքստը որպես ֆոն ԼՂ-ն էթնիկ զտման ենթարկելու և ՀՀ-ի նկատմամբ սողացող պատերազմ վարելու համար՝ առանց միջազգային լուրջ դիմադրության»,- նշեց Կրապետյանը։
Մանրամասները՝ տեսանյութում։
