30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ղարիբաշվիլին ու Ռիքերը քննարկել են Հայաստան-Ադրբեջան երկխոսությունում Վրաստանի միջնորդական դերը
Քաղաքականություն
01.12.2022 | 14:23
Վրաստանի վարչապետ Իրակլի Ղարիբաշվիլին աշխատանքային ընթրիքի ձևաչափով հանդիպել է ԱՄՆ Պետքարտուղարության Կովկասի բանակցությունների հարցերով ավագ խորհրդական Ֆիլիպ Ռիքերին։ Վրաստանի կառավարության հաղորդմամբ՝ Ղարիբաշվիլին ու Ռիքերը քննարկել են ԱՄՆ-ի հետ Վրաստանի ռազմավարական գործընկերության կարևորությունը։
«Զրույցի ընթացքում նաև քննարկվել է տարածաշրջանում ու Հարավային Կովկասում անվտանգային իրավիճակը, Վրաստանի միջնորդական դերը Հայաստան-Ադրբեջան երկխոսությունում։ Ղարիբաշվիլին ընդգծել է, որ բանակցությունները միակ ու կարևոր ճանապարհն են լուծելու ցանկացած հակամարտություն և առաջընթաց ապահովելու համար»,-ասվում է հաղորդագրության մեջ։
Հավելենք, որ Թբիլիսի այցից առաջ Ռիքերը Բաքվում էր, որտեղ հանդիպել էր Ադրբեջանի նախագահ Իլհամ Ալիևին։ Այնուհետև ամերիկացի պաշտոնյան ժամանել է Երևան։
Էմմա Չոբանյան
