Քաղաքականություն
01.12.2022 | 13:47
Թուրքիան ծովում 2200 մետր խորությամբ տեղադրել է 280 տոննա ծավալ ունեցող պահեստավորման բաք, որում հավաքվելու է սևծովյան հանքավայրի գազը։ Բաքի տեղադրման գործողությունն իրականացվել է քսան ժամ, գրում է Yeni Şafak թերթը։
Ավելի վաղ Sabah թերթը գրել էր, որ Թուրքիան շուրջ 10 մլրդ դոլար կներդնի Սև ծովի Սաքարյա հանքավայրից 540 մլրդ խորանարդ մետր գազ արդյունահանելու և փոխադրելու նախագծում։ Հանքավայրից գազի առաջին խմբաքանակը Թուրքիա պետք է հասնի 2023 թվականին։ Ըստ աղբյուրի՝ Սև ծովում հայտնաբերված գազի մոտավոր արժեքը կազմում է 400 միլիարդ դոլար։
Հաղորդվում է, որ Թուրքիայի նավթային կորպորացիայի (TPAO) անձնակազմի աշխատանքը Սակարյա գազային հանքավայրում, որը համարվում է Թուրքիայի պատմության մեջ բնական գազի ամենամեծ հայտնաբերումը, շարունակվում է շուրջօրյա։
Տաթև Ֆռանգյան
