15.09.2026 | 16:23
Ես Բաքու գնալու կոչ չեմ արել ՄԻՊ-ին. Լիլիթ Գալստյան․ ՏԵՍԱՆՅՈՒԹ
ՀՀ-ն կմնա խորհրդարանական երկիր․ Սահմանադրական բարեփոխումների խորհուրդը որոշում կայացրեց
Քաղաքականություն
30.11.2022 | 14:12
Սահմանադրական բարեփոխումների խորհուրդը քվեարկությամբ քիչ առաջ որոշում կայացրեց, ըստ որի՝ ՀՀ-ում կառավարման մոդելի փոփոխություն չի արվելու, դեպի նախագահական կամ կիսանախագահական անցում չի լինելու, պետական կառավարումը մնալու է խորհրդարանական: Այս մասին ֆեյսբուքյան իր էջում հայտնել է խորհրդի անդամ, «Իրազեկ քաղաքացիներ միավորման» ծրագրերի համակարգող Դանիել Իոաննիսյանը՝ նշելով, որ ինքն այդ հարցին կողմ է քվեարկել։
«Խորհրդարանական կառավարման մոդելը ավելի քիչ է հակված ճգնաժամերի ու ավելի է նպաստում դրանց ժողովրդավարական ու խաղաղ լուծմանը: Ի տարբերություն նախագահականի (ու կիսանախագահականի), խորհրդարանական մոդելում գործադիր ու օրենսդիր ճյուղերը ձևավորվում են նույն ընտրություններով, և գործնականում բացառվում է օրենսդիր ու գործադիր ճյուղերի առճակատումը: Հայաստանն ի վիճակի չէ կառավարման մոդել փոխել, քանի որ դա մեծ սթրես կլինի պետական կառավարման համակարգի համար»,- նշել է Իոաննիսյանը:
Նիստի ընթացքում իր ելույթի ժամանակ խորհրդարանական համակարգի պահպանման օգտին էր արտահայտվել նաև «Լուսավոր Հայաստան» կուսակցության ղեկավար, ՀՀ հատուկ հանձնարարություններով դեսպան Էդմոն Մարուքյանը:
Հիշեցնենք՝ այսօր առավոտից հանձնաժողովը քննարկում էր կառավարական մոդելի փոփոխության հարցը՝ կառավարականից նախագահականի կամ կիսանախագահականի անցումը։
Ռոզա Վարդանյան
