Քաղաքականություն
30.11.2022 | 14:31
Չինաստանում ցուցարարները, ովքեր դեմ են COVID-19-ի դեմ պայքարի քողի ներքո իրականացվող սահմանափակումներին, չպետք է ահաբեկվեն կամ ենթարկվեն ֆիզիկական ճնշման, երեքշաբթի ասել է Սպիտակ տան ազգային անվտանգության խոսնակ Ջոն Քիրբին․ գրում է VOA-ն:
«Մենք չենք ցանկանում, որ ցուցարարներին ֆիզիկական վնաս հասցվի, նրանց վախեցնեն կամ ինչ-որ կերպ ստիպեն ինչ-որ բան անել: Ահա թե ինչ է նշանակում խաղաղ բողոքի ակցիա, և մենք շարունակում ենք աջակցել դրանց՝ լինի Չինաստանում, Իրանում, թե աշխարհի ցանկացած այլ վայրում»,- ասել է Քիրբին CNN-ին տված հարցազրույցում։
Չինաստանի իշխանությունները հետախուզում են նրանց, ովքեր հավաքվել էին հանգստյան օրերին բողոքի ցույցեր կազմակերպելու համար, հայտնում է Reuters-ը:
Տաթև Ֆռանգյան
