30.10.2026 | 09:53
Լավրովը ժամանել է ԱՄՆ՝ մասնակցելու G20-ի ԱԳ նախարարների խորհրդի նիստին
ԱՄՆ-ը դեռևս չի նախատեսում Patriot համակարգեր մատակարարել Ուկրաինա
Քաղաքականություն
30.11.2022 | 13:56
Այս պահին Պենտագոնը մտադիր չէ Ուկրաինա Patriot համակարգեր մատակարարել։ Այս մասին նոյեմբերի 29-ին կայացած ճեպազրույցում հայտարարել է ԱՄՆ պաշտպանության նախարարության պաշտոնական ներկայացուցիչ Փեթ Ռայդերը, գրում է Korrespondent-ը։
«ՀՕՊ-ը մնում է ԱՄՆ պաշտպանության նախարարության և միջազգային հանրության առաջնահերթությունը, երբ խոսքը վերաբերում է Ուկրաինային աջակցելուն: Ինչ վերաբերում է ԱՄՆ-ից Patriot համակարգերին, մենք այս պահին չենք պատրաստվում դրանք մատակարարել Ուկրաինա», – ասել է Ռայդերը: Նա նաև մեկնաբանել է ԱՄՆ դաշնակիցների կողմից նման մատակարարումների հնարավորությունը։
«Ես չեմ ուզում խոսել այլ երկրների անունից, բայց սա պետությունների ինքնիշխան որոշումն է: Քանի որ դա վերաբերում է ՆԱՏՕ-ի երկրներին, ենթադրում եմ, որ կլինի դաշինքի քննարկման մի մասը: Մենք կշարունակենք սերտորեն համագործակցել միջազգային հանրության հետ, որպեսզի որոշվի, թե որոնք են Ուկրաինայի պաշտպանական կարիքները և ինչպես բավարարել դրանք»,- ասել է Պենտագոնի խոսնակը։
Ռայդերը նաև ընդգծել է, որ ժամանակակից սպառազինության համակարգերը չեն կարող գործել «միացրու և կիրառիր» սկզբունքով, դրանց կիրառումը պահանջում է հատուկ պատրաստվածություն։
