25.06.2026 | 18:47
ՍԴ-ում պատասխանողի ներկայացուցիչները կլինեն Վահագն Հովակիմյանը և Նունե Հովհաննիսյանը
Ադրբեջանը Պրահայում համաձայնել էր քառակողմ հանդիպումներին․ Էդմոն Մարուքյանի հիշեցումը՝ Բաքվին
Քաղաքականություն
29.11.2022 | 14:38
ՀՀ հատուկ հանձնարարություններով դեսպան Էդմոն Մարուքյանը թվիթերյան իր էջում ևս մեկ անգամ հիշեցրել է, որ Ադրբեջանը հոկտեմբերի 6-ին Պրահայում կայացած հանդիպմանը համաձայնել է քառակողմ ձևաչափով հանդիպումներին Ֆրանսիայի նախագահի մասնակցությամբ, որից այժմ հրաժարվում է։
«Ադրբեջանը համաձայնել է Պրահայում շարունակել հանդիպումները քառակողմ ձևաչափով։ Տրամաբանական է, որ հանդիպման ձևաչափը և մասնակիցների կազմը պետք է լինի նույնը։ Ուստի՝ հուսով ենք, որ հանդիպումը կկայանա Բրյուսելում Ֆրանսիայի նախագահ Էմանունել Մակրոնի ու ԵԽ նախագահ Շառլ Միշելի հետ միասին»,-գրել է Մարուքյանը։
Հիշեցնենք, որ ավելի վաղ Ադրբեջանի նախագահ Իլհամ Ալիևը, հերթական անգամ խախտելով նախապես ձեռք բերված պայմանավորվածությունները, հայտարարել էր, որ դեկտեմբերի 7-ին Բրյուսելում նախատեսված հանդիպումը չի կայանա, քանի որ Հայաստանը պնդում է դրան Ֆրանսիայի նախագահ Էմանուել Մակրոնի մասնակցությունը։
Էմմա Չոբանյան
