17.08.2026 | 23:08
Զորականում և Ամասիայում շչակներ են փորձարկվելու
Իրանի իշխանություններն առաջին անգամ պաշտոնապես հայտնել են բողոքի ցույցերի ընթացքում մարդկային կորուստների ընդհանուր թիվը
Քաղաքականություն
29.11.2022 | 12:12
Իրանի իշխանություններն առաջին անգամ պաշտոնապես հայտարարել են երկրում ընթացող բողոքի ցույցերի ժամանակ զոհվածների ընդհանուր թիվը։ Այս մասին հայտնում է Associated Press-ը։
Իսլամական հեղափոխության պահապանների կորպուսի (ԻՀՊԿ) հրամանատարներից մեկի՝ Ամիր Ալի Հաջիզադեի խոսքով՝ ցույցերի ընթացքում ավելի քան 300 մարդ է զոհվել, այդ թվում՝ անվտանգության ուժերի անդամներ։ Նա նաև հայտարարել է, որ զոհերից շատերը շարքային իրանցիներ են, ովքեր չեն մասնակցել ցույցերին։ Սակայն «Իրանում Մարդու իրավունքների պաշտպանները» (HRAI) կազմակերպության տվյալներով անկարգությունների ժամանակ զոհվել է 451 ցուցարար և անվտանգության 60 աշխատակից։ Ձերբակալվել է ավելի քան 18 հազար մարդ։
Իրանում զանգվածային բողոքի ցույցերը սկսվել են սեպտեմբերի վերջից։ Դրանց պատճառը 22-ամյա Մախսա Ամինիի մահն էր, որը ձերբակալվել էր հիջաբը «սխալ» կրելու համար։ Ականատեսների խոսքով՝ աղջկան ոստիկանությունում ծեծել են, որից հետո նա կոմայի մեջ է ընկել ու մահացել։
Տաթև Ֆռանգյան
