17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ուկրաինան երբեք չի ընդունի Մոսկվայի «ընկերների» կարգերը. Զելենսկի
Քաղաքականություն
29.11.2022 | 14:48
Ռուսաստանի ղեկավարությունը վրեժխնդիր է լինում Ուկրաինայից՝ իրենց կարգերն ընդունելուց հրաժարվելու համար։ Այս մասին իր երեկոյան ելույթի ժամանակ ասել է Ուկրաինայի նախագահ Վլադիմիր Զելենսկին։
Նրա խոսքով՝ միայն անցած շաբաթվա ընթացքում ռուսական զորքերը 258 անգամ հարվածել են Խերսոնին ու շրջակա բնակավայրերին։ Վնասվել է պոմպակայանը, որը ջուր է մատակարարում Նիկոլաևին։ Ավելի վաղ ռուսական բանակը դուրս էր եկել Դնեպրի ձախ ափից ու նահանջել Խերսոնից, իսկ այժմ կրակում է հակառակ ափից։
«Ուկրաինան երբեք չի լինի ավերածությունների վայր: Ուկրաինան երբեք չի ընդունի Մոսկվայից այդ «ընկերների» կարգերը: Մենք ամեն ինչ կանենք զավթիչների կողմից ավերված յուրաքանչյուր օբյեկտ, յուրաքանչյուր տուն, յուրաքանչյուր ձեռնարկություն վերականգնելու համար»,- հայտարարել է Զելենսկին։
