19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ռիքերը Բայրամովին հորդորել է խաղաղության համար հարթակ ստեղծել
Քաղաքականություն
29.11.2022 | 11:42
ԱՄՆ Պետքարտուղարության կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Ֆիլիպ Ռիքերը նախօրեին հանդիպել է Ադրբեջանի ԱԳ նախարար Ջեյհուն Բայրամովին։ Բաքվում ԱՄՆ դեսպանատան հաղորդմամբ՝ դեսպան Ռիքերն ընդգծել ԱՄՆ-ի շարունակական աջակցությունը Ադրբեջանի և Հայաստանի միջև ուղիղ բանակցություններին, քանի որ երկու կողմերը աշխատում են տևական խաղաղության համաձայնագրի ուղղությամբ:
Նա նաև մեջբերել է պետքարտուղար Բլինքենի խոսքերը, որ ուղիղ երկխոսությունը խաղաղության լավագույն ճանապարհն է։ Դեսպան Ռիքերը նաև ընդգծել է ԱՄՆ աջակցությունը խաղաղության գործընթացին և կոչ արել երկու կողմերին հետագա բանակցությունները պլանավորել ու կոնկերտ քայլեր ձեռնարկել խաղաղության համար հարթակ ստեղծելու։
Ադրբեջանի ԱԳՆ տարածած տեղեկատվության մեջ էլ նշվում է, որ կողմերը քննարկել են Երևանի ու Բաքվի միջև խաղաղության պայմանագրի տարրերը ու դրանից բխող հարցերը։ Բացի այդ Բայրամովն, ինչպես միշտ, Հայաստանից է դժգոհել, թե, իբր, չի կատարում 2020թ-ի նոյեմբերի 9-ի եռակողմ հայտարարության իր պարտավորությունները։ Ադրբեջանցի նախարարը նաև խոսել է Արցախի հայերի «վերաինտեգրման» թեմայից։
Էմմա Չոբանյան
