09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
Թուրքական բանակն ավարտել է Սիրիայում ցամաքային օպերացիայի նախապատրաստական աշխատանքները․ Reuters
Քաղաքականություն
28.11.2022 | 22:40
Թուրքական զինուժը գրեթե ավարտել է Սիրիայում ցամաքային գործողության նախապատրաստական աշխատանքները և միայն սպասում է պետության ղեկավարի որոշմանը, Reuters-ին հայտնել են երկու թուրք բարձրաստիճան պաշտոնյաներ։
«Բոլոր նախապատրաստական աշխատանքներն ավարտված են, այժմ անհրաժեշտ է քաղաքական որոշում»,- ասել է գործակալության զրուցակիցներից մեկը։
Մյուսը նշել է, որ վերջնական նախապատրաստական աշխատանքներն ավարտին հասցնելու համար կպահանջվի ևս մի քանի օր: «Մինչ գործողության մեկնարկը շատ բան չի մնացել։ Հիմա դա կախված է նախագահի որոշումից»,- հավելել է պաշտոնյան։
Նրա խոսքով՝ գործողության թիրախները կլինեն Մանբիջ, Քոբանի և Թել Ռիֆաթ քաղաքները՝ 2016 թվականից Անկարայի վերահսկողության տակ գտնվող Սիրիայի տարբեր տարածքների միջև միասնական գոտի ստեղծելու նպատակով։
Տաթև Ֆռանգյան
