16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կան նոր ծրագրեր՝ ձկնաբույծներին աջակցելու, անտառները վերականգնելու համար․ ՇՄ փոխնախարար․ ՏԵՍԱՆՅՈՒԹ
Տեսանյութեր
28.11.2022 | 15:38
Նոյեմբերի 6-18-ը Եգիպտոսում կայացել է ՄԱԿ-ի Կլիմայի փոփոխության շրջանակային կոնվենցիայի կողմերի 27-րդ համաժողովը, որին մասնակցում էին տարբեր երկրների ազգային պատվիրակություններ, այդ թվում նաև պատվիրակություն ՀՀ-ից։ Քննարկվել են կլիմայի փոփոխությամբ պայմանավորված անվտանգային խնդիրները։
ՄԱԿ-ի՝ Կլիմայի փոփոխության մասին շրջանակային կոնվենցիայի կողմերի 27-րդ համաժողովին Հայաստանի պատվիրակության մասնակցության ամփոփում թեմայով ասուլիսում ՀՀ շրջակա միջավայրի նախարարի տեղակալ Գայանե Գաբրիելյանն նշեց, որ այս համաժողովին հավանության է արժանացել մի նախաձեռնություն, որը շատ կարևոր է զարգացող երկրների համար: Խոսքը կլիմայի փոփոխությամբ պայմանավորված երկրների կրած վնասները, կորուստները վերականգնելու գործում ֆինանսական աջակցություն տրամադրող միջազգային հիմնադրամ ստեղծելու մասին է:
Հայաստանը հնարավորություն ստանալ օգտվել ֆինանսական աջակցությունից կլիմայի փոփոխության բացասական հետևանքները մեղմելու համար:
Մինչ այդ, մեր երկիրը տեղական մակարդակում պետք է հստակեցնի կորուստները, վնասները: Դրանք կարող են վերաբերել գյուղատնտեսությանը, մասնավորապես, հողերի դեգրադացմանը, բնության հուշարձաններին, որոնք վնաս են կրում կլիմայի փոփոխության ազդեցություններից:
Մասնագետները նշում են, որ անելիքներ կան բազմաթիվ ուղղություններով՝ անտառների վերականգնում, կրկնակի (երկրորդային) ջրօգտագործում և այլն:
«Կարևոր է ջրային ռեսուրսների կառավարման հարցը։ ՀՀ-ն նոր Ջրային օրենսգիրք է ընդունել, մի քանի կարևոր ուղղություններ են որդեգրվել, նոր գործիքակազմ է ներառվել ջրային ռեսուրսների կառավարման արդյունավետությունը բարձրացնելու համար»,- նշեց Գաբրիելյանը՝ ընդգծելով նաև, որ կան նոր ծրագրեր՝ ձկնաբուծության, գյուղատնտեսության ոլորտներին աջակցելու, անտառները վերականգնելու համար։
Մանրամասները՝ տեսանյութում։
