19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ
ՀՀ-ն ստանձնել է պարտավորություն՝ մթնոլորտ արտանետվող CO2 գազերը նվազեցնել մինչև 2030թ․ ՏԵՍԱՆՅՈՒԹ
Հասարակություն
28.11.2022 | 14:52
Նոյեմբերի 6-18-ը Շարմ էլ Շեյխում կայացել է ՄԱԿ-ի Կլիմայի փոփոխության շրջանակային կոնվենցիայի կողմերի 27-րդ համաժողովը, որին մասնակցում էին տարբեր երկրների ազգային պատվիրակություններ, միջազգային կազմակերպությունների, գիտական շրջանակների, մասնավոր հատվածի ներկայացուցիչներ, այդ թվում նաև պատվիրակություն ՀՀ-ից։ Քննարկվել են կլիմայի փոփոխությամբ պայմանավորված անվտանգային խնդիրներ։
Պետությունների ու կառավարությունների ղեկավարները հանդես են եկել հայտարարություններով, որտեղ ներկայացրել են իրենց դիրքորոշումը և իրենց երկրի տեսլականը բնապահպանության, բնական ռեսուրսների կառավարման ուղղությամբ։
«ՄԱԿ-ի՝ Կլիմայի փոփոխության մասին շրջանակային կոնվենցիայի կողմերի 27-րդ համաժողովին Հայաստանի պատվիրակության մասնակցության ամփոփում» թեմայով ասուլիսում ՀՀ շրջակա միջավայրի նախարարի տեղակալ Գայանե Գաբրիելյանն ընդգծեց, որ ՀՀ-ն ստանձնել է պարտավորություն՝ մթնոլորտ արտանետվող CO2 գազերը նվազեցնել մինչև 2030թ։
«Ելույթ է ունեցել նաև ՀՀ նախագահ Վահագն Խաչատուրյանը։ Մենք խոսել ենք մասնավորապես կլիմայական խնդիրների լուծման համար ֆինանսավորման մասին, ինչը կարևորագույն հարցերից մեկն է։
Զարգացած երկրները հավաստիացրել էին, որ տարեկան շուրջ 100 միլիարդ ԱՄՆ դոլարի չափով գումար կգեներացնեն Կանաչ կամ կլիմայական ֆոնդերի շուրջ, որը կվերաբաշխվի զարգացող երկրներին՝ իրենց կողմից արձանագրված խնդիրների լուծման համար։ Բայց զարգացած երկրներն իրենց խոստումն ամբողջությամբ չեն կատարում։
Զարգացած երկրները պետք է շատ գումար տրամադրեն, որպեսզի զարգացող երկրները կարողանան արտանետումների չեզոքության հասնել և հնարավոր լինի մինչև 2050 թվականը կլիմայի 1,5 աստճան տաքացումը զսպել։ Աշխարհում արդեն ջեևրմաստիճանը շեղում ունի 1,2 տոկոս դեպի տաքացում։ Հայաստանում ևս ջերմաստիճանն ընդհանուր առմամբ տաքացել է»,- նշեց Գաբրիելյանը։
Մանրամասները՝ տեսանյութում։
