18.12.2025 | 23:24
ՀՀ տարածքում ավտոճանապարհները հիմնականում անցանելի են
Ալիևն ու Ռիքերը քննարկել են Հայաստանի ու Ադրբեջանի հարաբերությունների կարգավորման գործընթացը
Քաղաքականություն
28.11.2022 | 13:20
Ադրբեջանի նախագահ Իլհամ Ալիևն այսօր Բաքվում ընդունել է ԱՄՆ Պետքարտուղարության Կովկասի բանակցությունների հարցով ավագ խորհրդական, ԵԱՀԿ Մինսկի խմբի ամերիկացի համանախագահ Ֆիլիպ Ռիքերին, գրում են ադրբեջանական լրատվականները։
«Հանդիպման ընթացքում տեղի է ունեցել մտքերի փոխանակում նոյեմբերի 7-ին Վաշիգտոնում Հայաստանի ու Ադրբեջանի ԱԳ նախարարների հանդիման մասով՝ հարաբերությունների կարգավորման ու խաղաղության պայմանագրի բանակացությունների վերաբերյալ»,-ասվում է հաղորդագրության մեջ։
Ըստ ադրբեջանական աղբյուրների՝ Ալիևը բարձր է գնահատել ԱՄՆ պետքարտուղար Էնթոնի Բլինքենի ուշադրությունը Հայաստանի ու Ադրբեջանի միջև հարաբերությունների կարգավորման գործընթացին։
Դեռևս պարզ չէ՝ արդյո՞ք Ռիքերի հետ հանդիմանը Ադրբեջանը պատասխանել է խաղաղության պայմանագրի Հայաստանի առաջարկներին, որոնք փոխանցվել էին Վաշինգտոնում կայացած հանդիպմանը։
Հավելենք, որ նախորդ շաբաթ Բաքվում Ալիևին էին հանդիպել նաև ՌԴ ԱԳՆ Հայաստանի ու Ադրբեջանի հարաբերությունների կարգավորման հարցով հատուկ ներկայացուցիչ, ԵԱՀԿ Մինսկի խմբի ռուսաստանցի համանախագահ Իգոր Խովաևը, ինչպես նաև Հարավային Կովկասի հարցերով ԵՄ հատուկ ներկայացուցիչ Տոյվո Կլաարը։
Էմմա Չոբանյան
