16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
Իտալական Իսկիա կղզում սողանքը տներ է ավերել, մեքենաներ են հայտնվել ծովում
Քաղաքականություն
28.11.2022 | 13:08
Առնվազն հինգ մարդ է զոհվել Իտալիայի Իսկիա կղզում հորդառատ անձրևներից առաջացած սողանքի հետևանքով, գրում է Euronews-ը։ Կազամիցիոլա քաղաքում քանդվել են մի քանի տներ, նավահանգստին մոտ կայանված մեքենաներն ու ավտոբուսները ծովն են քշվել ։ Կղզու իշխանությունները տարհանել են 200 մարդու։ Օդերևութաբանների տվյալներով՝ ուրբաթ օրը Իսկիայում միանգամից 120 միլիմետր անձրև է տեղացել։ Եղանակային անբարենպաստ պայմանները դժվարացնում են փրկարարների և կամավորների աշխատանքներըտ կղզու լեռնային տեղանքում: Որոնողական աշխատանքներում ներգրավված են անօդաչու սարքավորումներ։
Արտակարգ իրավիճակ է նաև Իսկիայի մեկ այլ քաղաքում՝ Լակկո Ամենոյում։ Քաղաքապետի խոսքով՝ սելավն ավերել է մոտ մեկ տասնյակ շենք, շուրջ 30 մարդ մնացել է իրենց տներում արգելափակված։ Իտալիայի կառավարությունը Իսկիայում արտակարգ դրություն է հայտարարել և 2 մլն եվրո է հատկացրել անհետաձգելի կարիքների համար։
Տաթև Ֆռանգյան
