16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՌԴ-ն նոր հարվածներ է պատրաստվում իրականացնել․ Զելենսկի
Քաղաքականություն
28.11.2022 | 10:59
Վլադիմիր Զելենսկին կիրակի օրը հայտարարել է, որ Ռուսաստանը պատրաստվում է նոր հրթիռային հարվածներ հասցնել Ուկրաինային և զգուշացրել է, որ Պաշտպանության ուժերը և երկրի քաղաքացիները պատրաստ լինեն ընդհանուր ջանքերի՝ այդ հարվածների հետևանքներին դիմակայելու համար, գրում է VOA-ն։
«Մենք հասկանում ենք, որ ահաբեկիչները նոր հարվածներ են ծրագրում։ Մենք գիտենք դա հաստատ։ Եվ քանի դեռ նրանք հրթիռներ ունեն, չեն հանգստանա»,- իր երեկոյան տեսաուղերձում ասել է Զելենսկին։
Ուկրաինայի նախագահի խոսքով՝ առաջիկա շաբաթը կարող է լինել նույնքան դժվարին, որքան նախորդը, երբ ենթակառուցվածքներին ռուսական հարվածների հետևանքով ուկրաինացիները բախվեցին ողջ երկրի տարածքում էլեկտրաէներգիայի անջատումների հետ։
«Մեր պաշտպանության ուժերը պատրաստվում են։ Ողջ երկիրը պատրաստվում է։ Մենք բոլոր սցենարները մշակել ենք, այդ թվում՝ մեր գործընկերների հետ»,- ասել է Զելենսկին։
