18.05.2024 | 22:23
Աշխաբադում բացվել է Սայաթ-Նովայի արձանը
Արայիկ Հարությունյանն՝ իր բիզնեսների և աղջկան նվիրած հանրախանութի մասին
06.06.2018 | 18:09
«Մինչև Արցախի պետական նախարար նշանակվելը՝ մինչև 2006 թվականը, եղել եմ Արցախի ամենախոշոր գործարարը՝ չհաշված մենաշնորհները և Դրմբոնի ոսկու հանքը։ Սկսել եմ հող մշակել Ջաբրայիլում՝ սահմանամերձ տարածքում, որտեղ մարդիկ վախենում էին գնալ, բուրաստան էր այնտեղ։ Առաջին հող մշակելը սկսել եմ 1995 թվականից, երբ մարդիկ Աղդամի տեղը չգիտեին քարտեզի վրա։ Հետո իմ գործընկեր Բարսեղ Բեգլարյանի հետ երկու ավերակ դարձրել ենք Արցախի ամենահեռանկարային ընկերություններից մեկը՝ գինու կոնյակի գործարանը՝ ստեղծելով առաջին անգամ բրենդ՝ Մադաթով կոնյակի տեսքով»,- այսօր լրագրողների հետ զրույցում իր բիզնեսների մասին մանրամասնեց Արցախի նախկին պետական նախարար Արայիկ Հարությունյանը։
Արայիկ Հարությունյանը նշեց, որ իրեն է պատկանում Ստեփանակերտում գործող Նաիրի հանրախանութը, որն, ի դեպ, նվիրել է իր աղջկան։
Հարցին՝ որքան է կազմում իր կարողությունը, Արայիկ Հարությունյանը պատասխանեց, որ ասյ պահին թիվը հստակ չի հիշում՝ խորհուրդ տալով ուսումնասիրել իր լրացրած հայտարարագիրը։
