16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Թուրքիան և Կատարը բանակցությունների վերջնական փուլում են 10 մլրդ դոլարի ֆինանսավորման տրամադրման հարցում․ Reuters
Քաղաքականություն
25.11.2022 | 22:02
Թուրքիան և Կատարը բանակցությունների վերջնական փուլում են՝ Անկարային 10 մլրդ դոլարի ֆինանսավորման տրամադրման հարցում, այդ թվում՝ մինչև այս տարեվերջ մինչև 3 միլիարդ դոլար։ Այս մասին Reuters-ին հայտնել են թուրք երկու բարձրաստիճան պաշտոնյաներ և մեկ այլ աղբյուր:
Պաշտոնյաներից մեկն ասել է, որ ընդհանուր ֆինանսավորումը կարող է լինել սվոփի, եվրոբոնդերի կամ այլ մեթոդի տեսքով, և որ այդ հարցը Թուրքիայի և Կատարի ղեկավարները քննարկել են այդ հարցը։ Թուրքիայի Ֆինանսների նախարարությունն անհապաղ չի արձագանքել։ Կատարի պաշտոնյաները ևս չեն պատասխանել մեկնաբանության խնդրանքին։
Քանի որ արևմտյան երկրները խուսափում են Թուրքիայում ներդրումներից, Անկարան արտաքին ռեսուրսների համար դիմել է «բարեկամ» երկրներին՝ դադարեցնելու լիրայի արժույթին աջակցելու քաղաքականությունը։
«Կատարի կողմից Թուրքիային նոր ռեսուրսներ տրամադրելու բանակցությունները հասել են եզրափակիչ փուլին։ Նախատեսվում է 8 միլիարդ դոլարի նվազագույն գումար, բայց այն կարող է կազմել մինչև 10 միլիարդ դոլար։ Ռեսուրսները ձեռք կբերվեն, 2-3 միլիարդ դոլարը՝ մինչև այս տարվա վերջ, իսկ մնացածը՝ հաջորդ տարի: Սա կարող է լինել սվոփ կամ եվրոբոնդ, բայց նրանք քննարկում են մի քանի մեթոդներ: Փոխադարձ պայմանավորվածություն կա»,- ասել է առաջին պաշտոնյան։
Երկրորդ թուրք պաշտոնյան էլ ասել է, որ այս տարվա համար 2-3 միլիարդ դոլարի ֆինանսավորման բանակցությունները կենտրոնացած են եղել եվրոբոնդի ուղղությամբ։
Հավելենք, որ Կատարն ամուր կապեր ունի Թուրքիայի հետ։ Նախագահ Ռեջեփ Թայիփ Էրդողանը կիրակի մասնակցում էր Կատարում ֆուտբոլի աշխարհի առաջնության բացման արարողությանը։
Էմմա Չոբանյան
