16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Սաուդյան Արաբիայի ընկերությունները կարող են գնել անգլիական երկու գրանդ ակումբները
25.11.2022 | 19:13
Սաուդյան Արաբիայի սպորտի նախարար արքայազն Աբդուլազիզ բեն Ալ Ֆեյսալը Sky News-ին տված հարցազրույցում խոսել է երկրի վերջին մարզական հավակնությունների մասին. գրում է armsport-ը։
Նախարարը շահագրգռված է, որ իր երկրի ներդրողները ձեռք բերեն «Մանչեսթեր Յունայթեդը» և «Լիվերպուլը», որոնք վաճառվում են, ինչպես նաև ազատ գործակալի կարգավիճակում գտնվող պորտուգալացի հարձակվող Կրիշտիանու Ռոնալդուին Սաուդյան Արաբիայի առաջնության ակումբներից մեկում տեսնել։
«Ո՞վ չի ցանկանա, որ Ռոնալդուն խաղա իր առաջնությունում: Նա օրինակ է շատ երիտասարդ խաղացողների համար՝ նա և Մեսսին:
Ես հույս ունեմ, որ մեր ներդրողները կգնեն «Մանչեսթեր Յունայթեդը» և «Լիվերպուլը». եթե ամեն ինչ ստացվի, լավ բիզնես կլինի: Դա կարող են լինել և՛ մասնավոր գործարարներ, և՛ ընկերություններ մեր թագավորությունից:
Պրեմիեր լիգան աշխարհի լավագույն առաջնությունն է։ Բոլորը դիտում են Պրեմիեր լիգան։ Սա ամենահայտնի լիգան է, և թագավորությունում կան այս թիմերի հավատարիմ երկրպագուներ: Այնպես որ, դա ձեռնտու կլիներ բոլորին», ասել է բեն Ալ Ֆեյսալը:
