07.06.2026 | 16:26
Մի ուժ չի կարողանալու իշխանություն ձևավորել. Էդմոն Մարուքյան․ ՏԵՍԱՆՅՈՒԹ
ՆԱՏՕ-ն կշարունակի օգնել Ուկրաինային՝ պաշտպանել իրեն․ Ստոլտենբերգ
Քաղաքականություն
25.11.2022 | 19:57
ՆԱՏՕ-ն կօգնի Ուկրաինային՝ պաշտպանել իրեն «այնքան ժամանակ, որքան անհրաժեշտ է», և կօգնի այդ երկրի Զինված ուժերը վերածել ժամանակակից բանակի, որը կհամապատասխանի արևմտյան չափանիշներին։ DW-ի ռուսական ծառայության փոխանցմամբ՝ այս մասին հայտարարել է դաշինքի գլխավոր քարտուղար Յենս Ստոլտենբերգը։
Նոյեմբերի 29-30-ը Ռումինիայում ՆԱՏՕ-ի արտգործնախարարների հանդիպմանն ընդառաջ լրագրողների հետ զրույցում Ստոլտենբերգը կոչ է արել այն երկրներին, որոնք ցանկանում են Կիևին հակաօդային պաշտպանության համակարգեր մատակարարել, շարունակել դա անել։
Ստոլտենբերգը նաև հերքել է լուրերը, թե, իբր, Ուկրաինայի տարածքում ՆԱՏՕ-ի զորամասեր կամ հրահանգիչներ կան։
Ըստ պաշտոնյայի՝ ուկրաինացի զինվորականները վերապատրաստվում են անմիջապես Դաշինքի անդամ երկրներում՝ վերահսկելու առաջադեմ հակաօդային պաշտպանության համակարգերը կամ հրետանին, որոնք դաշնակիցները մատակարարում են Ուկրաինային։
Տաթև Ֆռանգյան
