07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԱՄՆ-ը Չինաստանի միջամտությամբ խափանել է Լեհաստանից Ուկրաինային ՄԻԳ-29-ի տրամադրումը՝ Պուտինի միջուկային սպառնալիքը չեզոքացնելու դիմաց
Քաղաքականություն
25.11.2022 | 22:54
2022 թվականի մարտին ԱՄՆ իշխանությունները համոզել են Լեհաստանին՝ Ուկրաինային չմատակարարել խորհրդային արտադրության իր ՄԻԳ-29 կործանիչները չինական միջամտությունից հետո։ Այս մասին հայտնում է բրիտանացի լրագրող Օուեն Մեթյուզը The Spectator ամսագրի հրապարակման մեջ՝ հղում անելով չինական աղբյուրներին, գրում է Meduza-ն։
Նշվում է, որ Վաշինգտոնում ի սկզբանե դրական են գնահատել Լեհաստանի առաջարկը Ուկրաինային կործանիչները մատակարարելու մասին, սակայն մեկ օր անց՝ մարտի 8-ին, Պենտագոնը կտրուկ փոխել է իր դիրքորոշումը՝ անընդունելի համարելով Լեհաստանի առաջարկը։
Ինչպես պնդում է չինական աղբյուրը՝ Վաշինգտոնն ու Չինաստանը շփումների ընթացքում պայմանավորվել են, որ եթե ԱՄՆ դադարեցնի կործանիչների գործարքը, ապա «Պեկինի գեներալները կանեն հնարավորը, որ մոտ ապագայում Պուտինի միջուկային սպառնալիքը չեզոքացնեն»։
«Դա աշխատեց։ ԱՄՆ-ում որոշեցին, որ կործանիչների մատակարարումը շատ հեռուն է գնում»,- ասել է աղբյուրը։
Էմմա Չոբանյան
