30.10.2026 | 20:18
Միրզոյանը Բահրեյնում կմասնակցի «Մանամայի երկխոսություն» անվտանգության ֆորումին
Պեսկովը հայտնել է, որ առաջիկայում ՌԴ-ում Փաշինյանի և Ալիևի հետ բանակցություններ անցկացնելու ծրագրեր չկան
Քաղաքականություն
25.11.2022 | 14:59
Մոսկվան շարունակում է նպաստել Բաքվի ու Երևանի հակամարտության կարգավորմանը, սակայն Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպում Ռուսաստանում առաջիկայում չի ծրագրվում։ Այս մասին լրագրողերին հայտնել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Ռուսաստանը ոչ միայն պատրաստ է, այլև մշտապես հայտարարում է իր աշխատանքի շարունակության մասին՝ աջակցելու երկու երկրներին իրավիճակի կարգավորման և խաղաղության պայմանագրի ստորագրման հարցում»,- ասել է Կրեմլի խոսնակը՝ պատասխանելով հարցին՝ արդյո՞ք Մոսկվան պատրաստ է հարթակ տրամադրել երկու երկրների առաջնորդների բանակցությունների համար։
Սակայն, նրա խոսքով, նման հանդիպում Ռուսաստանում դեռևս չի նախատեսվում։
«Առաջիկա հեռանկարում՝ ոչ»,- ասել է Պեսկովը։
Հիշեցնենք, որ հոկտեմբերի 31-ին Սոչիում կայացել է Հայաստանի, ՌԴ-ի և Ադրբեջանի ղեկավարների հանդիպումը։
Էմմա Չոբանյան
