24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՀՀ-ում ամեն 5-րդ երեխան չի ծնվում. մեծ մասը՝ սեռով պայմանավորված. Տիգրան Ավինյան․ ՏԵՍԱՆՅՈՒԹ
Հասարակություն
25.11.2022 | 13:33
Պետությունը կանանց հանդեպ բռնության հարցում ունի շատ մեծ պարտավորություն: Այս մասին այսօր «Ընդդեմ գենդերային բռնության ակտիվության 16-օրյակ»-ին նվիրված համաժողովում նշեց փոխքաղաքապետ Տիգրան Ավինյանը։
«Պետք է կամք դրսևորել օրենսդրական դաշտում, սակայն պետք է հասկանալ, որ շատ հարցեր հենց հասարակության ներսում են պարփակված՝ քողարկված ավանդապաշտության կեղծ օրակարգերով»,-նշեց փոխքաղաքապետը։
Ավինյանի դիտարկմամբ՝ կնոջ նկատմամբ բռնությունը երբեք ներառված չի եղել հայերի ավանդույթներում. «Դա մտացածին է, դա չի կարող լինել իրականություն մի ժողովրդի համար, որը 20-րդ դարի սկզբում ընդունել է, որ կանայք նույնպես ունեն ընտրության իրավունք, երբ երկրների մեծամասնությունում կանայք ընտրական իրավունք չունեին»։
Խոսելով սեռով պայմանավորված աբորտների մասին՝ Ավինյանն այն որակեց որպես բռնության դրսևորում։ «Դա ժողովրդագրական սուր խնդիր է։ Ամեն հինգերորդ երեխան չի ծնվում՝ պայմանավորված սեռով։ Մենք զարհուրելի ցուցանիշ ունենք աշխարհում այլ երկրների համեմատ։ Մեկ կամ երկու երկիր կարող են այս հարցում մեզանից անցնել»,- նշեց Ավինյանը` հավելելով, որ այս ուղղությամբ մեծ աշխատանք կա իրականացնելու, և քաղաքապետարանը պատրաստ է աջակցել։
Մանրամասները՝ տեսանյութում։
