07.06.2026 | 20:10
14/24 ընտրատեղամասի դռները փակվեցին 19:58-ին. նույն պահին մտած քաղաքացուն թույլ չտվեցին քվեարկել
ՄԻՊ-ը 2021թ.-ին բռնության 105 ահազանգ է ստացել. 5 տարվա ընթացքում թիվը կրկնապատկվել է. Քրիստիննե Գրիգորյան․ ՏԵՍԱՆՅՈՒԹ
Հասարակություն
25.11.2022 | 12:35
Ընթանում է «Ընդդեմ գենդերային բռնության ակտիվության 16-օրյակ»-ին նվիրված համաժողովը:
ՀՀ մարդու իրավունքների պաշտպանին առընթեր Կանանց իրավունքների հարցերով հասարակական խորհրդի գործունեության համատեքստում այս համաժողովի նպատակն է միավորել ուժերը գենդերային բռնության դեմ պայքարում՝ գնահատելով արդի մարտահրավերները և նախանշելով առաջիկա բարեփոխումները։
Գենդերային բռնությունը այնպիսի մի երևույթ չէ, որի դեմ պետք է պայքարի միայն ոստիկանությունը, միայն իրավապահ համակարգը, միայն ՄԻՊ-ը, սա պահանջում է հասարակության բոլոր պատասխանատու անդամների ջանքերի համատեղում: Այս մասին համաժողովում նշեց ՀՀ ՄԻՊ Քրիստիննե Գրիգորյանը:
ՄԻՊ-ի խոսքով՝ 2021-ին հարցում է անցկացվել Հայաստանի տարածքում այն կանանց շրջանում, որոնք երբևէ ունեցել են զուգընկեր և հարցվածների 18 տոկոսը նշել է ֆիզիկական կամ սեռական բռնության ենթարկվելու փաստի մասին։
«7 տոկոսը նշել էր սեռական բռնության, իսկ 33 տոկոսը հոգեբանական բռնության ենթարկվելու մասին: Ուսումնասիրությունը նաև ցույց է տվել, որ 45-53 տարեկան կանայք ավելի հաճախ են ենթարկվել ֆիզիկական բռնության, հատկապես ֆիզիկական դաժան բռնության: Սեռական բռնության ենթարկված կանանց 42 տոկոսը ենթարկվել էր նաև ֆիզիկական բռնության: Ֆիզիկական բռնության ենթարկված 19 տոկոսը ենթարկվել էր նաև սեռական բռնության:
Բռնարարների պրոֆիլի ուսումնասիրությունը ցույց էր տալիս, որ աշխատանք չունեցող տղամարդիկ ավելի հաճախ են իրենց կնոջը կամ զուգընկերոջը ենթարկել ֆիզիկական կամ սեռական բռնության: Ընդ որում, աշխատանքի կամ վաստակի առկայությունն էական հանգամանք էր, որը բնորոշում էր տուժողներին կամ զոհերին:
Գրիգորյանը հավելեց, որ տարեցտարի արձանագրվում է ընտանիքում բռնության դեպքերի դինամիկայի աճ։ ՄԻՊ գրասենյակը 2021թ.-ին բռնության 105 ահազանգ է ստացել, որոնցից 88-ի դեպքում կինն է բռնությն ենթարկվել ամուսնու կամ նախկին ամուսնու կամ զուգընկերոջ կողմից։
Մանրամասները՝ տեսանյութում։
