30.10.2026 | 12:51
ՀՀ-ում, այլ երկրների համեմատ, բենզինն ավելի քիչ է թանկացել. Շուշան Սարգսյան․ ՏԵՍԱՆՅՈՒԹ
Amnesty International-ը դատապարտում է ռուսական իշխանությունների ճնշումները լրատվամիջոցների նկատմամբ
Քաղաքականություն
25.11.2022 | 22:16
Amnesty International-ը դատապարտել է Ռուսաստանի իշխանությունների գործողությունները անկախ լրատվամիջոցների և քաղաքացիական ակտիվիստների նկատմամբ, ովքեր դեմ են Ուկրաինայի պատերազմին: Euronews-ի փոխանցմամբ՝ այս մասին ասվում է միջազգային իրավապաշտպան կազմակերպության նոր զեկույցում։
ՌԴ իշխանություններն արգելափակել են մուտքը տասնյակ առցանց լրատվամիջոցների՝ ինչպես ռուսական, այնպես էլ արտասահմանյան։
Փորձագետները նշում են, որ իրավիճակը սրվել է Վլադիմիր Պուտինի՝ 2012 թվականին նախագահի պաշտոնին վերադառնալուց հետո։ Իրավիճակը շարունակել է վատթարանալ ընդդիմադիր գործիչ Ալեքսեյ Նավալնիի թունավորումից ու բանտարկությունից հետո։
Վերջին տասը տարիների ընթացքում իշխանությունները խստորեն սահմանափակել են ռուսների՝ իրենց այլակարծությունն արտահայտելու իրավունքը։ Ավելին, օրենքներն ու քաղաքականությունը մարդկանց փաստացիորեն զրկել են խաղաղ հավաքների ազատության իրավունքից:
Ռուսաստանի՝ Ուկրաինա ներխուժման սկզբից ի վեր իշխանությունները ձեռնարկել են մի շարք միջոցառումներ՝ վերահսկելու լրատվամիջոցները, ընդհուպ մինչև հրահանգներ են տրվել, թե ինչ ձևակերպումներով կարելի է խուսափել ռեպրեսիաներից:
