14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ուկրաինայի բոլոր շրջաններում էլեկտրաէներգիայի մատակարարումը վերականգնվել է
Քաղաքականություն
25.11.2022 | 11:53
Վերջին տվյալներով էլեկտրաէներգիայի մատակարարումներն Ուկրաինայի բոլոր շրջաններում արդեն վերականգնվել են: Այս մասին հայտնել է երկրի նախագահի աշխատակազմի ղեկավարի տեղակալ Կիրիլո Տիմոշենկոն, գրում է ZN.ua-ը։
Էներգիայի մատակարարումը վերականգնվել է կարևոր ենթակառուցվածքային օբյեկտներում, աստիճանաբար շարունակվում են միացումները նաև կենցաղային սպառողներին։
Վերջինս նաև տեղեկացրել է, որ Ուկրաինայի մարզերում տեղակայված են 4000 «Անպարտելիության կետեր», որտեղ մարդիկ կարող են լիցքավորել իրենց հեռախոսները, տաքանալ և խմել տաք ըմպելիքներ։
Հիշեցնենք, որ նոյեմբերի 23-ին ՌԴ-ն կրկին հարվածներ էր հասցրել Ուկրաինայի էներգետիկ օբյեկտներին, ինչի հետևանքով աբողջական քաղաքներ մնացել են առանց էլեկտրականության։
Առանց էլեկտրականության էր մնացել նաև Մոլդովայի մեծ մասը, քանի որ այդ երկիրը էլեկտրաէներգիա է ներկրում Ուկրաինայից։
Տաթև Ֆռանգյան
