Վաշինգտոնը ողջունում է Կոսովոյի և Սերբիայի միջև համաձայնությունը

Լուրեր

20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
Բոլորը

Միացյալ Նահանգները ողջունում է Կոսովոյի և Սերբիայի միջև ձեռք բերված համաձայնությունը լարվածության հետագա սրումը կանխելու միջոցների վերաբերյալ, չորեքշաբթի երեկոյան ասել է պետքարտուղարության խոսնակ Նեդ Փրայսը, փոխանցում է «Ամերիկայի ձայն»-ը։

Փրայսը հավելել է, որ ԱՄՆ-ը նաև ողջունում է ԵՄ-ի հովանու ներքո Կոսովոյի և Սերբիայի միջև հարաբերությունների «անհապաղ» կարգավորման մասին համաձայնագիրը՝ այն անվանելով երկու երկրների համար «եվրոպական ապագայի հասնելու լավագույն միջոց»:

«Այսօր երկու կողմերն էլ՝ ԵՄ-ի աջակցությամբ, հսկայական քայլ են կատարել ողջ տարածաշրջանում խաղաղություն և կայունություն հաստատելու ուղղությամբ։ Միացյալ Նահանգները ողջունում է կառուցողական բանակցությունները և խրախուսում հետագա առաջընթացը հարաբերությունների կարգավորման ուղղությամբ»,- ասված է հայտարարության մեջ։

Չորեքշաբթի օրը Կոսովոն և Սերբիան հայտարարեցին համաձայնագրի կնքման մասին՝ վերջ տալով համարանիշների շուրջ գրեթե երկու տարվա վեճին: Արևմուտքը բազմիցս զգուշացրել էր, որ այն կարող է հանգեցնել էթնիկ հակամարտության:

«Մենք համաձայնության ենք եկել»,- թվիթերում գրել է եվրոպական դիվանագիտության ղեկավար Ջոզեֆ Բորելը Բրյուսելում ԵՄ միջնորդությամբ համաձայնագրի ստորագրումից հետո։

«Ես շատ ուրախ եմ հայտարարել, որ Կոսովոյի և Սերբիայի պատվիրակությունների ղեկավարները ԵՄ-ի աջակցությամբ պայմանավորվել են միջոցների շուրջ՝ հետագա էսկալացիայից խուսափելու համար և ամբողջությամբ կենտրոնանալու իրենց հարաբերությունները կարգավորելու առաջարկի վրա»,- գրել է Բորելը։

Կոսովոն պլանավորում էր հինգշաբթի օրվանից սկսել տուգանել մոտ 10,000 էթնիկ սերբ վարորդներին, ովքեր չեն պատրաստվում դադարեցնել սերբական համարանիշներով շրջել Կոսովոյում:

«Սերբիան կդադարեցնի Կոսովոյի քաղաքների անուններով համարանիշների թողարկումը, իսկ Կոսովոն կդադարեցնի տրանսպորտային միջոցների վերագրանցման հետ կապված հետագա գործողությունները»,- գրել է Բորելը։

Բորելն ասել է, որ առաջիկա օրերին կհրավիրի երկու կողմերին քննարկելու ԵՄ առաջարկը, որին աջակցել են նաև Ֆրանսիան և Գերմանիան:

Այս տարի Պրիշտինան փորձեց պահանջել Կոսովոյում ապրող էթնիկ սերբերից փոխել իրենց հին համարանիշները, որոնք թողարկվել էին մինչև 1999 թվականը, երբ Կոսովոն դեռ Սերբիայի մաս էր: Կոսովոյի հյուսիսային հատվածի սերբերը ակտիվորեն դիմադրեցին իշխանությունների նախաձեռնությանը։

Կոսովոյում բնակվող մոտ 50 հազար էթնիկ սերբեր հրաժարվում են ճանաչել Պրիշտինայի իշխանությունը և դեռ իրենց համարում են Սերբիայի մաս:

Կոսովոյի նախագահ Վյոսա Օսմանին շնորհակալություն է հայտնել Վաշինգտոնին համաձայնությանը նպաստելու համար։