16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Եռակողմ հայտարարությունը պետք է անխախտորեն իրագործվի, այդ թվում՝ ուժի չկիրառման առումով․ ՌԴ ԱԳՆ. ՏԵՍԱՆՅՈւԹ
Քաղաքականություն
24.11.2022 | 19:03
ՌԴ ԱԳՆ խոսնակ Մարիա Զախարովան ամենշաբաթյա ճեպազրույցի ժամանակ մեկնաբանել է Հայաստանի հասցեին Ադրբեջանի նախագահ Իլհամ Ալիևի վերջին սպառնալիքների և ադրբեջանական կողմից հրադադարի կանոնավոր խախտումների վերաբերյալ լրագրողի հարցը՝ նշելով, որ եռակողմ հայտարարության բոլոր դրույթները պետք է անխախտորեն իրագործվեն։
«Մենք ելնում ենք Ռուսաստանի, Ադրբեջանի և Հայաստանի ղեկավարների եռակողմ հայտարարության բոլոր դրույթները խստորեն կատարելու անհրաժեշտությունից, ներառյալ՝ այս տարվա հոկտեմբերի 31-ի Սոչիի գագաթնաժողովի արդյունքներով ուժի սպառնալիքի կամ ուժի չկիրառման վերաբերյալ պայմանավորվածությունները։ Իհարկե, կարևոր ենք համարում զերծ մնալ սադրիչ հռետորաբանությունից, որը կարող է հանգեցնել տարածաշրջանում իրավիճակի սրման»,- հայտարարել է Զախարովան։
Նրա խոսքով՝ Ռուսաստանը կանոնավոր կապեր է պահպանում երկու կողմերի հետ՝ և՛ քաղաքական մակարդակով, այդ թվում՝ պետությունների ղեկավարների, արտաքին գործերի նախարարների, և՛ «տեղում ռուսական խաղաղապահ զորախմբի»՝ ԱԴԾ սահմանային ծառայության միջոցով՝ զինված միջադեպերը կանխելու նպատակով։
«Մենք կշարունակենք աշխատել հայ-ադրբեջանական հարաբերությունների կարգավորման ուղղությամբ՝ ի շահ Հարավային Կովկասում խաղաղության հաստատման»,- ասել է Զախարովան։
Տաթև Ֆռանգյան
